Ngarkimi i pajisjes tuaj
Përdorni gjithmonë një ngarkues origjinal Sony dhe një kabllo USB Type-C™ të projektuar për
modelin tuaj specifik Xperia™. Ngarkuesit dhe kabllot e tjera mund të rritin kohën e ngarkimit,
mos të mos ngarkojnë aspak ose mund edhe ta dëmtojnë pajisjen tuaj. Sigurohuni që të gjitha
portat USB dhe lidhësit të jenë plotësisht të thatë para se të futni kabllon USB Type-C™.
Një ngarkues në prizën e murit do ta ngarkojë pajisjen tuaj më shpejt se sa ngarkimi
nëpërmjet kompjuterit. Mund ta përdorni përsëri pajisjen gjatë ngarkimit.
Nëse bateria bie plotësisht, mund të duhen deri në 30 minuta që pajisja t'i përgjigjet
ngarkimit. Gjatë kësaj kohe, ekrani mund të qëndrojë plotësisht i errët, duke mos e
shfaqur ikonën e ngarkimit. Kini parasysh po ashtu se mund të duhen deri në 4 orë që të
ngarkohet plotësisht një bateri e shkarkuar plotësisht.
Pajisja juaj ka një bateri të integruar të ringarkueshme që mund të zëvendësohet vetëm nga një
qendër riparimi e autorizuar nga Sony. Nuk duhet të përpiqeni asnjëherë që ta hapni ose ta
zbërtheni vetë pajisjen. Ky veprim mund të shkaktojë dëmtime dhe të shkelë garancinë tuaj.
Për të ngarkuar pajisjen tuaj
1
Futni ngarkuesin në një prizë elektrike.
2
Futni njërin skaj të kabllos USB Type-C™ në ngarkues (ose në portën USB të një
kompjuteri).
3
Futeni skajin tjetër të kabllos në portën USB Type-C™ në pajisjen tuaj. Drita e
njoftimit ndriçohet kur fillon ngarkimi.
4
Kur pajisja të ngarkohet plotësisht, shkëputeni kabllon nga pajisja juaj duke e
tërhequr drejt jashtë. Sigurohuni që lidhësi të mos përkulet.
Është e rëndësishme të përdorni kabllon USB Type-C™ (të dhënë) kur ngarkoni pajisjen pasi
tipat e tjerë të kabllove USB mund ta dëmtojnë pajisjen tuaj.
Nëse bateria është shkarkuar plotësisht, mund të kalojnë disa minuta deri sa të ndriçohet drita
e njoftimit dhe të shfaqet ikona e ngarkimit.
36
Ky është një version i këtij botimi për Internet. © Printojeni vetëm për përdorim privat.
Statusi i dritës së njoftimit të baterisë
Jeshile
Bateria është duke u ngarkuar dhe niveli i ngarkimit të baterisë është më i lartë se 90%
Portokalli
Bateria është duke u ngarkuar dhe niveli i ngarkimit të baterisë është më i ulët se 90%
E kuqe
Bateria është duke u ngarkuar dhe niveli i ngarkimit të baterisë është më i ulët se 15%